Noord-Suid-gesprek

Home Forums Pennevrugte Noord-Suid-gesprek

This topic contains 1 reply, has 2 voices, and was last updated by  Dan Roodt 6 years, 4 months ago.

Viewing 2 posts - 1 through 2 (of 2 total)
  • Author
    Posts
  • #153

    admin
    Keymaster

    Is daar steeds ‘n Noord-Suid-verdeling in die Afrikaanse letterkunde soos laas in die dertiger- en veertigerjare?

    #154

    Dan Roodt
    Participant

    Fransi,

    Ek is dit eens met jou dat die geredekawel oor allerlei minder
    belangrike kwessies op die duur vir ons fataal raak.

    Nogtans is dit vir my verblydend dat Kleinboer en Schalk nogtans ‘n
    sinvolle gesprek kan voer en moet ons nie noodwendig debat – ook oor
    randkwessies – in die kiem probeer smoor nie.

    Die grootste probleem soos ek dit sien, is sektarisme. Soos
    Finkelkraut ook iewers argumenteer, is onverdraagsaamheid egter nie
    meer te vinde by die nasionaliste of konserwatiewes nie, maar by die
    voorstanders van multikulturalisme en sogenaamde “progressiewe”
    denkrigtings.

    In Afrikaans sit ons met sogenaamde “Kaapse liberalisme” wat in wese
    niks van die liberale idee van “meer as een waarheid” het nie. Dis
    bloot net nog ‘n sektariese groepering wat alles en almal wat nie tot
    hul “in-groep” behoort nie, wil verketter en verguis.

    Trouens, die rugby-ondersteuners van die WP of die Blou Bulle, wat
    volgens Maslow se hiërargie omtrent op die heel laagste kognitiewe
    vlak funksioneer in hul oeridentifikasie met hul span/stam, is meer
    verdraagsaam as diegene wat hulle (oënskynlik) op die waardes van die
    Verligting en op ‘n sekulêre lewensuitkyk beroep. Daardie “liberale
    waardes” – waarvan hulle nie eens poog om ‘n begrip te verkry of
    iewers darem toe te pas nie – verteenwoordig bloot die T-hempie, die
    serp, die geverfde gesig, die vlag. Maar die rugby-ondersteuners neem
    darem, soos jy sê, hul sport ernstig op en erken die bestaan van ander
    spanne. Inderdaad is geen spel moontlik sonder meer as een span nie.
    (Dit klink nou al amper soos ‘n postmodernistiese of Derridiaanse of
    Deleuziaanse verwysing, wat nie my bedoeling is nie.) En laat ons tog
    nie die gelade termpie, “diversiteit”, bysleep nie, want sonder
    diversiteit van menings is geen ander diversiteit moontlik nie.

    Ek is bevrees sommige skrywers het geen rede om enige “fundamentalis”,
    hetsy Christelik, Islamities of wat ook al, te snobeer nie, want hulle
    behoort self tot ‘n sekte waarvan die dogmatiek net minder ontwikkel
    as dié van die meer gevestigde kerke is. Ook is hul hele modus
    operandi uit en uit sektaries: verkettering, afstigting, versprei van
    gerugte en skinderstories, ensomeer.

Viewing 2 posts - 1 through 2 (of 2 total)

You must be logged in to reply to this topic.